گولوم سنسن باغیم سنسن گلستانیم بهاریم سان

گولوم سنسن باغیم سنسن گلستانیم بهاریم سان

اگربیرقوش اولسام من خزانسیزلاله زاریم سان

منه مریم منه عیسی منه تورات منه انجیل

سنین عشقینده صنعانم منیم نازلی خوماریم سان

دیلیم آغزیم سوزوم سنسن گلوم قلبیم گوزوم سنسن

منیم جانیم ائوزوم سنسن منیم صبرو قراریم سان

منیم دردیم منیم چاره م حلال ابرولی مه پاره م

کدرسندن سوینچ سندن نشاطیم سان غباریم سان

اورک هرنه ایسترسنسن  یگانه بیر ایستک سنسن

جوابیم سان سوالیم سان مقدس بیرشعاریم سان

گوجوم آرخام یاخین دوستوم یاخیندان دا یاخین دوستوم

پولادعزمیم ارادم سن توکنمز اقتداریم سان

منه بیر  می  دولی جام سان ایلاهی عالی الهام سان

ایلیم طایفام یئریم یوردوم شیرین دوغما دیاریم سان

محبت سن صداقت سن ملاحت سن سعادت سن

خزینم  ثروتیم واریم منم سن هرنه واریم سان

دوشونجم آرزیم امیدیم خیالیم  ان  بویوک فیکریم

منیم سرویم منیم گیزلین نهانیم آشکاریم سان

منیم گوندوز گونوم سنسن   گیجه آییم سمالاردا

جلالیم شهرتیم شانیم حیاتیم افتخاریم سان

منیم اصیلم منیم فخریم غروریم سان وقاریم سان

منیم نغمم منیم سازیم سازیمدا   ان   لطیف  تلسن

منه  ان  دادلی بیر مجلس  او مجلسده نگاریم سان

یئریم زندان  اوزوم محبوس  منی بیر یوخلیان سنسن

گیجه طوفانلی دریاده ایشقلی بیر کناریم سان

نه اولسون غم قوشون چکمیش دوتوب اطرافیمی دشمن

باشی داغلار قدر یوکسک اوچولماز بیر حصاریم سان

قاشین طاقی منه معبد او رعنا قامتین مقصد

قیامتلر قیام ائتسه  منیم شفاعتچیم سنسن

منیم عالی مقامیم سان منیم عالی مرامیم سان

حیاتدا هرنه ایسترسم  سوینجلی انتظاریم سان

سنی قلبیم له من سیودیم اونی چیرپیندران سنسن

دیمک کی وارلغیم سنسن اورکده شاه داماریم سان

عزیزیم  بیردانام   اینجیم ظریفیم  اینجه دلداریم

بو یوز بیر سوزده بیر سوزوارکی یعنی سن منیم یاریم سان 

ـــــــــــــــــــــــــــــــــــــــــــــــــــــــــــــــــــــــــــــــ

چوخ نازادمه گوزلیم ســنده عشــقه گریفتار اولا ا جا قسان

بیر اینسا نی سویــب  ســند اونا  محتاج اولاجا قسان

درددلی اولوب غملی اولوب چوخلی آرزلار ادجکسن

اوندا بیلجکسن نه ادیر میشسن اوندا پشیمان اولاجاکسان

ــــــــــــــــــــــــــــــــــــــــــــــــــــــــــــــــــــــــــــــــ

  صبر ایله  کونول  محنت  هیجرانه  تلسمه.

  درد اهلی  یترصبر ایله  درمانه  تلسمه.

  یوسیفده  زلیخانی  محبتله  سویردی.

  سا لدردی  زلیخا اونوزندانه  تلسمه.

  دونیایه  وفاایلمه  چوخ آغلاما  کونلوم.

  دونیا نه  وفا قیلدی  سلیما نه  تلسمه.